KORA2014: साईकलमा काठमाडौँको फन्को (३)

यो शृंखलाको अन्तिम ब्लग हो।  कोरा साइकल सकेपछि शरीर त थाक्यो तर मन चंगा भयो।  एकप्रकारको जीत, आफ्नै सिमा र डरमाथि। घामले डढेका पाखुराका डामहरु उजेलिन केहि हप्ता अझै लाग्ला तर त्यो यात्रा, त्यो साइकल परेड, त्यो जमात, बाटो, बाटामा घटेका स-साना घटनाक्रम र अन्य प्रसङ्ग सम्झिदै चियापसलमा साथीहरुबीच गफिन त झन् रमाइलो हुने।  त्यस्तै भैरहेको छ।  कोरापछि सोसियल मेडियामा आउने फोटो, अनुभव र प्रतिक्रियाहरुले निकैदिनसम्म चर्चा पाइरह्यो।  मैले यसअघि पोस्ट गरेका ब्लगहरु पढेर पनि  निकैजनाले अर्कोपाली भागलिने चाहनाका कुरा गरे । KORA2014 को Public Media Visibility बारेको यौटा Presentation मा मेरो ब्लग पनि थियो। थोरै ब्लगमध्ये नेपालीमा लेखिएको एउटै मेरो थियो।  संजिवले फरवार्ड गरेका थिए।  खुसि लाग्यो।

KORA2014 यौटा सामाजिक कार्यको निम्ति पनि आयोजना गरिएको भएकोले, मानवीय दायित्व स्वरुप केहि सहयोग जुटाउने प्रयास पनि  गरियो।  निकै साथीहरुले साइकलिङ्गको यो अभियानलाई सहयोग गर्ने बचन दिए।  त्यसले हौस्यायो।  गत २-३ हप्तामा तिनीहरु मध्ये अधिकांशले सहयोग रकम दिए।  मैले सोचेको भन्दा निकै बढी रकम उठ्यो अर्थात शुरुमा मैले आयोजकलाई प्लेज (Pledge) गरेको भन्दा ३ गुणा बढी।  जम्मा ३२ जनाले न्युनतम रु. ५ देखि अधिकतम् रु २,२२२  सम्मको सहयोग गरे। हाल अमेरिकामा हुने पूर्व सहकर्मी सुजन पण्डितले भने निकै उर्जा थप्नु भयो।  मेरो ब्लगमा हाम्रो उत्सुकता, रहर, हल्ला देखेर उनले पहिले गरेको सहयोगलाई डबल पारिदिए।

सहयोग रकम संकलन भएपछि गत अगस्त ४ तारिखमा Socialtour ठमेलका प्रतिनिधि श्री सुमन नेपालीलाई हस्तान्तरण गरें।  त्यो रकम Karma Foundations मार्फत Save the Children को 2M4Pyutaar Campaign जानेछ।  यो अभियान दुर्गममा सुरक्षित सुत्केरी गराउनको लागि सुबिधायुक्त बर्थिंग सेन्टर बनाउन  सहयोग जुटाउने हो।  यो  महान कार्यमा स-सानो सहयोग राशिको महत्व रहन्छ।  निम्न व्यक्तिहरुले सहयोग गरे।  यी सबैजनालाई जीवनभर सबै चिजले भरपुर होस् र यसरी नै सहयोग दिन पाई रहुन : 

1. Aditi Oli
2. Anita Shrestha
3. Anju Tamang
4. Anup Shrestha
5. Ashima Shrestha
6. Basanta Thapa
7. Bhagawan Shrestha
8. Bhawani Dahal
9. Bikash Ghimire
10. Gita Lama
11. Jaya Laxmi Chaulagain
12. Khagendra KC
13. Kimat Adhikari
14. Kiran Bam
15. Merina Baidya
16. Mirak Angdembe
17. Mohan Bhurtel
18. Neelima Lama
19. Neeta Shrestha
20. Pooja Pradhan
21. Pradeep Shrestha
22. Puja Bharati
23. Pushpa Chaulagain
24. Rajya Kunwar
25. Sabina Adhikari
26. Salina Shrestha
27. Shilpa Shrestha
28. Shrid Dhungel
29. Sujan Pandit
30. Sujan Raj Joshi
31. Suraj Nepal
32. Tilak Thapaliya

यो पटकको कोरामा शुरुदेखि नै सूचना दिने, हौस्याउने र एउटै टोली बनेर पुरै ५० + किमी यात्रा तयगर्ने साथी र सहकर्मी सहयात्रीहरु राजन, महेश, राजेश र संजीवलाई धेरै धन्यबाद।  यस्ता प्रयासहरु एक्लै निरसिलो हुन्छन तर साथीहरुको साथ सबै कठीन क्षणहरु पनि सहजे पार हुने।  
अब अर्कोवर्ष फेरी यस्तै कोरा हुने छ, कुनै नयाँ अभियान साथ - KORA2015. र मिले फेरीपनि यसमा भाग लिईनेहोला र त्यो बिषयमा अर्को ब्लग लेखिनेहोला।  
(नोट: यसमा प्रयोग गरिएका फोटाहरु फेसबुकमा कोराको एकाउण्टमा शेयर गरिएको र मेरो अफिसको दिपकजीले खिचेका हुन्।)