हरेक अरु दिन झैँ
एउटा नयाँ दिन आयो
तर फरक दिन आयो
मेरो जन्मदिन आयो। हरदिन यहाँ
एकदिन घटाएर बाँचिन्छ
आज एकवर्ष घटाइयो
जिवन यात्रा केहि छोट्याइयो
जन्मचक्रमा उकालो लागियो।
अभ्यस्त जीवन
रंग बटुलेर यताउता
केहि अनुभवी बनियो
जीवन जिउनेकलाहरु बोकी
उतारचढाव सहेर
जीवन अंगालियो।
नियमको परिधिमा
समय-चक्रसाथ आउने
कोशेढुंगाहरु झैं आउने केहि क्षणहरु
उत्सवमय दिन
आज जन्मदिन।
म हुनुको महत्व
मेरो गौरवमय गाथा
मेरो इतिहास र भविष्य
सबैको साक्षी यो
उत्सबमय दिन
मेरो जन्मदिन।
- मङ्सिर १७ , २०७०
