KORA2014: साईकलमा काठमाडौँको फन्को (१)

पोहोर झैं यसपाली पनि काठमाडौँ कोरामा भागलिने विचार गरियो।  करिब डेढमहिना अघिनै रजिस्ट्रेशन खुलेको थियो। यसपाली कोराको निकै प्रचारप्रसार थियो, सोसियल मेडियामा।  ५० किमि, ७५किमि र १०० किमिका इभेन्ट थिए र करिब १००० बढी सहभागी हुने अनुमान गरेका थिए। ७५  र १०० किमिका राइड थोरै तर सिद्धहस्त साइक्लिस्टहरुले भागलिने दूरी हुन् भने ५० किमि सबैको निम्ति र सबै भन्दा धेरैले भाग लिने समूह हो।   हरेकसाल यो इभेन्ट कुनै सोसियल कामको लागि आर्थिक सहयोग संकलन गर्न आयोजना गरिन्छ।  पोहोर बैतडीमा एउटा बर्थिंग सेन्टर बनाउने थियो भने यसपाला ललितपुरको पिउटारमा त्यस्तै सेन्टर बनाउने। त्यस अघि सल्यानमा थियो।  

काठमाण्डु कोरामा यो मेरो दोस्रोवर्ष हुने छ । पोहर भागलिएको थिएँ र केहि रकम पनि संकलन गरेर दिएको थिएँ। त्यसको बारे लेखेको ब्लग यता छ KORA2013 र  Kora 2013 (2)  यो चोटी पनि केहि प्लेज गरेको छु।  झन्डै ३० जति अफिस र बाहिरका सुभचिन्तक र साथीहरुहरुले सहयोग गर्ने बचन दिईसक्नु भएकोले त्यो पुरा हुने विश्वास छ।  तर, अब मैले ५० किमि कोरा पुरा गर्नु पर्छ ।     

पोहोर म र राजन मात्र थियौं।  यसपाली अरु तीन पनि थपिने भए - महेश, राजेश र संजिव।  यिनीहरु गत नवबर्षको साइकल यात्रामा धुलिखेल पुग्ने टोलि हुन्।  त्यतिबेलाको स्मरण यता ब्लगमा छ। New Year in Cycle . हामी ५ जना हुने भयौं।  निकै रमाइलो हुन्छ होला ।  यसपालाको जर्सी राम्रो देखिन्छ।  राईड सम्पन्न गरेमा आयोजकले मेडल पनि दिने रे।  बाटोमा पानी नपरे र चर्को घाम नलागे त सहजै होला।   

कोराको राईड त्यति सहज हैन तर निकै रोमान्चक हुन्छ।  हामीले उही हाम्रो परिचित 'गोपाल दाई' को पसल क्षेत्रपाटीमा साइकल बुक गर्यौं।  मैरो भागमा ब्राण्ड न्यू CUBE ब्रान्डको साइकल।  भाडा रु १००० प्रति दिन।  सन्जिवले टिसर्ट कलेक्सन गरेर ल्याए।  अरुहरु भोलि बिहानै ठमेल आएर साइकलमा पाटन आउने भए।  मैले सुक्रबारै साइकल ल्याएर घर आएँ।  ५ किमि जति कुदें।  भोलि लाई सजिलो हुन्छ।   (क्रमस :::)  

For more about KORA2014 visit:
www.kathmandukora.net
Nepali Times - News on Kora Cycling